فيروس ايبولا تعرف علي فيروس من فيروسات كورونا
- عاوز تعرف ايه هو فيروس ايبولا
- عاوز تعرفي ليه فيروس ايبولا بينتشر بسرعه
- عاوز تعرف ايه طرق تجنب انتشار فيروس ايبولا
- عاوز تعرف كيفية التعامل مع المصابين بفيروس ايبولا
- عاوز تعرف ليه منظمة الصحة العالمية سمحت باستخدام عقار وهو تحت التجربة
- هل الفيروس ده هو اخطر الفيروسات
عاوز تعرف ايه الاستراتيجية للتصدى لفيروس زى ده ؟؟؟؟؟؟في الصفحة ده هرد علي كل تساؤلاتك الي فاتت
انا خالد صلاح
في سلسلة كورونا
قبل ما اجاوبك علي اسئلتك احب اقولك اني كلامي بدلاله د . جوان ليو في منظمة " اطباء بلا حدود" عند سؤالها امام الجمعية العامة للامم المتحدة في 2 سبتمبر لسنة 2014 الي قالت " لم يبدا فيروس ايبولا في الانتشار الا منذ ستة اشهر فقط ويبدو العالم ووشك خسارةمعركة احتواء المرض "وممكن ترجع للمصادر
نبدا باول نقطة والي :
- ايه هو فيروس ايبولا ؟
ينتمي فيروس ايبولا لعائلة الفيروسات الخيطية وسموه كدة علشان بيظهر بشكل خيطي تحت الميكرسكوب ويعد الفيروس ده من اشد الفيروسات فتكا بحياة الانسان ويصنف علي انه عامل بيولوجي ممرض من الدرجة الرابعة.
انتشر فيروس ايبولا في سنة 2014في غرب افريقيا في دولة غينيا وليبريا محققا اعلا محققا اعلا الوفيات
انتشار الفيروس اثار حاله من القلق حول العالم خاصة بعد ظهور عدد من الاصابات في اوروبا والولايات المتحدة الامريكية وطبعا الدول ده بتخاف علي البشر بتاعتها من الهوا الطاير اما احنا ياولداه لنا رب اسمه الكريم 😂😂😂
نجحت غينيا والكونجو الديموقراطية في القضاء علي الفيروس في ست شهور " والله يتحسدو علي كده"
ظهر الفيروس ده للمرة الاولي في السودان وزائير سنه 1979 وبيسبب حمه نزيفية شديدة الخطورة غالبا ما تؤدى الي الوفاة
ركز معايا وخلي في بالك ان اصل الوباء في 2014
-في اقاويل بتقول ان مصدر الوباء هو الخفاش أكل الثمار{ والله ظالمين الخفاش مع انه ابن حلال 😞😞😞 }
لكن الناقلون الرئيسيون المفترضون هم الغوريلات والشامبانزى والضباع .
يتم انتقال الفيروس من خلال التعامل مع لحوم الحيوانات ده المصابة باللمس او غيرة خاصة لما تكون مطهية بشكل جاف
{ زي اللانشون والبسطرمه واللحوم الجافة}
نيجي للنقطة التانية وهي
- ليه فيروس ايبولا بينتشر بسرعه؟؟
بينتقل فيروس ايبولا بين البشر من خلال الاتصال المباشر من مشتقات الدم والافرازات السائله زي مثلا {العطس او الكح} . و سوائل الجسم زي {اللعاب - البول - العرق - البراز- القئ - المنى} من الاشخاص المصابين الي اشخاص غير مصابين او وجودوهم في بيئة ملوثة
نيجي للنقطة التالتة وهي :-
- ايه هي طرق تجنب انتشار فيروس ايبولا
- تجنب كافة انتشار اشكال الاتصال الجسدى { المصافحة والبوس والاحضان }.
- غسل اليدين بشكل متكرر بالمية والصابون وده زى ماقولنا في فيروس سارس.
- تجنب النوم بجوار مريض فيروس ايبولا
- عدم الاقتراب بدون وسائل الحماية الي هي تاني الجوانتي ابو 5 جنيه والكمامه والواقي.
- عدم لمس ملابس او اشياء ومتعلقات المريض
- تجنب لمس القئ او دماء او براز المريض حتى وان توفى
- تجنب عمل الوشم او الممارسات التقليدية
- تجنب لمس او اكل الحيوانات الميتة " طبعا ده مش لينا ده للناس الي عايشة في الغابات زي جنوب افريقيا وما شابه"
- ملابس المريض ومتعلقاته يجب ان تحرق بواسطة متخصصين.
- تجنب لمس او رفع جثث المتوفاه . المعالجون فقط هم من يحق لهم دفن الموتى.
المصدر:-
-منظمة الصحة العالمية
-منظمة اطباء بلا حدود
-مراكز مكافحة الامراض والوقاية
لو عجبتك المقاله متنساش اللايك والشير علي الفيسبوك ومواقع التواصل الاجتماعي
ومتننساش تقولنا في التعليقات 👇👇علي المواضيع الي عاوزنا نتكلم فيها
كان معكم خالد صلاح
في سلسلة كورونا
حلو اوى المقال
ردحذفحلو اوى المقال
ردحذفشكرا علي المرور
حذفحلو جدا
ردحذفشكرا لمرورك وتعليقك اخي الكريم
حذففضلا وليس أمرا حط الموضوع الي حابب نتكلم فيه في التعليقات
إرسال تعليق
أكتب تعليقا وتابعنا ليصلك كل جديد