هنبيع من غير ما يكون عندنا منتج

ايوه انت قريت صح هنبيع من غير مايكون عندنا منتج

فعلا ياصاحبي ممكن دلوقتي تبيع منتج او خدمة من غير ماتملكها لا وايه كمان ممكن تحقق من ورا البيع ده عموله وده الي بيسموه دلوقتي التسويق بالعموله او Affiliate Marketing.

الي جاي اكلمك فيه النهارده هو التسويق بالعموله او Affiliate Marketing، وهو بكل بساطه انك ممكن تبيع منتج من غير ماتملكه،هتوقولي ازاي ياعم خالد؟؟؟

هقولك بكل بساطه شديدة ياصاحبي انك الاول تستهدف الجمهور بتاعك او الناس الي تبيع لهم الخدمة او المنتج ده.

علي  سبيل المثال وليس الحصر مفيش  شاب في العالم كله مش بيحب يلبس ويتشيك. وانت مثلا تعرف تاجر جمله للاحذيه الشيك، ممكن انت بقا تروح للتاجر ده وتتفق معاه انك كل مايجيلك زبون من طرفك انت هتاخد عموله منه.

خليني اوضحهالك بشكل افضل، ممكن انك تشوف منتج مطلوب وله سوق، وبعدها هتروح لمكان بيبع السلعه ده بسعر رخيص حبتين

او زى مابيقولو سعر جمله، وروح اتفق مع التاجر او الوكيل انك كل ماتاخد منه كمية هاتخد بسعراقل (ماهو كل ما تاخد كمية تاخد خصم كل ماتاخد اكتر تاخد عنيا) ده بلغة التجاره،علشان انت تستفاد بفرق السعر ده.

بعدها ياصاحبي ابتدي ادخل علي الانترنت وابحث عن المنتج ده ونزل منه افضل الصور واجودها، وابتدي اعرضهم عندك صفحة من صفحات مواقع التواصل الاجتماعي.

او ممكن تنشأ متجر الكتروني بتمن قليل لا يتعدى ال خمسين جنيه شهريا.

هتقولي ياعمي انا مليش في لغة البرمجه والكلام ده، واصلا انا مش بفهم فيه خالص،هرد اقولك مفيش اسهل من تدخل علي اليوتيوب وهتلاقي الاف الالاف من الشروحات انك ازاي تعمل متجر الكتروني بشكل احترافي كمان، لا وكمان ايه هتضيف عليه منتجك، وكيفيه التحصيل، وامكانيه الشحن والتوصيل.

ده حتى ياراجل الفيسبوك بيتيح فيه الكلام ده دلوقتي عن طريق الي بيسموه كاتلوج الفيسبوك، ولكن امكانيه الدفع لسه ماتفعلتش في وطنا العربي، ادعي انت بس انها تتفعل والدنيا تبقا اسهل واسهل.

الي بكلمك فيه دلوقتي ده اسمه التسويق بالعموله او Affiliate Marketing

انا شخصيا بعمل كده ، عندي صفحة علي الفيسبوك، وبعرض عليها منتجات، واوصل بيعها للعملاء الي محتاجينها، واخد انا فرق السعر الي احنا بنسميه العموله.

خليني اقولك انك بالسلوب ده من التجاره انت بتوصل لقدر كبير من العملاء انت اصلا ماتعرفوهمش اصلا، ولكن انت دارس اهتمامتهم وسلوكياتهم

خليني اقولك برضه ان اسلوب التجاره اختلف كليا وجزئيا الفتره الحاليه عن زمان، يعني كان زمان لازم يكون عندك محل وتوضبه وتشتري بضاعه وتفرشها، وبعدها تستنا انك تبيع علشان تكسب.

لكن دلوقتي مفهوم التجاره دلوقتي اتغير مع تقدم الانترنت سهل حاجات كتيرة كانت قبل كده صعبه

هتقولي يعني انا اول ما اشتغل في التجاره الالكترونيه بتاعتك ده السما هتمطر وهيبقا معايا فلوس؟؟؟؟

هقولك اه بس مش بالظبط كده.

ليه مش بالظبط، لانك الاول لازم تتعلم وتقرا كتير وتشوف فيديوهات وعلي فكره الموضوع سهل جدا.

ادخل علي اليوتيوب وهتلاقي كتير من الشروحات لناس كتير افاضل بيشرحو يعني ايه تجاره الكترونيه، يعني ايه 

تسويق بالعموله او Affiliate Marketing

انا كده لحد هنا خلصت كلامي.

في المقالات الجايه استناني علشان هجبلك مواقع كتيره وطرق كتيره تشتغل من خلالها تسويق بالعموله او

Affiliate Marketing من غير ما تدفع فيها ولا جنيه واحد.

لو عجبك الموضوع متنساش تعملنا شير واكتبلنا في الكومنتات عاوزنا نتكلم عن ايه الفتره الجايه