باعو الهوا في ازايز

 

ايوه انت ليه مش مصدق ان فيه ناس عبت الهوا في ازايز وباعته علي الانترنت وكسبت منه 230 الف دولار.

في يوم من الايام وفي شوارع القاهره الجميله كان الناس قاعدة علي قوة بيبصو علي بيت قديم ساكن فيه تاجر مخدرات .وفي يوم الناس الي قاعدين علي القهوه بيدوروا عليه، عرفو انه اتقبض عليه، كان في وقتها قاعد في وسطهم الشاعر الكبير عبد المنعم السباعى، وسألهم انتو بتتكلمو عن مين، ردو عليه وقالو له بياع الهوا، ومن هنا خرجت اغنية بياع الهوا راح فين للمطرب الراحل محمد عبد المطلب.

الي كان ميعرفهوش الشاعر عبد المنعم السباعي وعبد المطلب ان هايجي يوم بالفعل وهيتباع الهوا بالفعل في ازايز.

طبعا بتسأل نفسك دلوقتي الناس ده باعت الهوا ازاي وازاي كسبت منه، انا هقولك ياعم اومال انا جايلك ليه.

في عام 2014 كان في موظف اسمه Moss Lam، وبعد ماروح بيتهم بعد يوم شاق في الشغل فتح باب البلكونه بتاعته الي هي في مقاطعه البيرتا. البيرتا ده مقاطعه في كندا مشهورة بطبيعتها الخلابه، المهم نرجع لصاحبنا Moss سرح صاحبنا شويه وفكر وسأل نفسه هو انا ليه ما ابعيش الهوا ده وابيعه.

وفي نفس الوقت كلم صديق ليه وعرض عليه الفكرة، وراح صاحبة مأيده في الفكرة، وقرروا انهم يبيعوا الفكره علي متجر الكتروني وفعلا عرضوها علي المتجر في اكياس بلاستيك.

راحوا نامو وصحيو تاني يوم ان المنتج اتباع ولكن خسرو وقتها ما يقرب من 10 دولار وده علشان انهم اغفلو مصاريف الشحن.

الحلو بقا انهم لم يمتلكهم اليأس، ولا قالو مش هنكمل، لا بصوا لبعض وقالو مادام اتباعت يبقا احنا ماشيين صح، واهو خساره قريبة.

من الحكايه الصغيرة ده نفهم شوية حاجات، وهي ابرزها انهم ببساطه قدروا يحددوا السوق عاوز ايه ويلبوه.

زي ما قولتلك فوق انه لم يمتلكهم اليأس وباعو  نفس المنتح للمرة التانية بس المرده ده 168 دولار.

ومن بعدها بدأ يجيلهم طلبات من الدول الاكثر تلوث، وده الي دفعهم انهم يطوروا منتجهم من اكياس بلاستك الي ازايز can.

نفهم من الحكايه الطريفه ده انهم قدرو قدروا يفهموا سوقهم كويس وخلق الاحتياج او need.

تعرف ان حاليا حجم مبيعاتهم سنويا ما يقدر ب 230 الف دولار سنويا.

ملخص الحكايه ياصاحبي، انك تعرف تبيع، وتعمل سوق وتعرف تبيع للسوق ده، ودلوقتي الكلام ده بقا سهل جدا في وجود الانترنت الي هو اصلا سوق كبير جدا. زي اخواتنا بتوع بيع الهوا في ازايز، كل الي عملوه (حددو السوق - عملو المنتج - باعو المنتج - كسبو فلوس).

استناني في المقاله الجايه علشان هاجبلك اسرار التجاره الالكتونيه والتسويق بالعموله او Affiliate Marketing

متنساش لو عجبتك المقاله متبخلش عليا بمتابعه وسيبلي كومنت علشان يحفزني.